Դրամահավաքի նախաձեռնությունները պետք է համաձայնեցնել Հիմնադրամի հետ

Համահայկական հիմնադրամը հայտարարություն է տարածել.

«Կարևոր !!!

Սիրելի՛ հայրենակիցներ,

Մի շարք անհատներ և կազմակերպություններ «Հայաստան» համահայկական հիմնադրամի անունից սոցիալական հարթակներում նախաձեռնում են առանձին դրամահավաքներ, որոնց նպատակն է ընդլայնել համահայկական շարժումը:

Հիմնադրամը շնորհակալություն է հայտնում աջակցության ու հայրենանվեր գործունեության համար և խնդրում նման նախաձեռնությունները նախապես համաձայնեցնել Հիմնադրամի հետ:

Նախաձեռնության նկարագիրը պետք է ուղարկել joinus@himnadram.org էլեկտրոնային հասցեին՝ ներկայացնելով բոլոր մանրամասները և գործընթացի մեկնարկը տալ միայն գրավոր հաստատում ստանալուց հետո:

Ձեր նախաձեռնության հղումը կդրվի Հիմնադրամի պաշտոնական կայքէջում www.himnadram.org ՝ որպես հաստատված և հաջող համագործակցության օրինակ: Բոլոր չհաստատված նախաձեռնությունները կհամարվեն կեղծ:

Հիշեցում!

Ստացված հանգանակություններն օգտագործվում են ըստ հումանիտար կարիքների առաջնահերթությունների»։