Ճապոնիան 5 միլիոն դոլար կհատկացնի Բեյրութում տեղի ունեցած ուժգին պայթյունի հետևանքները մեղմելու համար

Ճապոնիայի կառավարությունը  5 միլիոն դոլար կհատկացնի մի շարք միջազգային կազմակերպությունների՝ օգոստոսի 4-ին Բեյրութի նավահանգստում տեղի ունեցած հզոր պայթյունի հետևանքները վերացնելու համար: Այս մասին հայտնում է ТАСС-ը՝ հղում տալով երկրի ԱԳՆ տարածած հաղորդագրությանը:

Նշվում է, որ այդ գումարը կստանան Կարմիր Խաչի միջազգային կոմիտեն և ՄԱԿ-ի Մանկական հիմնադրամը (ՅՈՒՆԻՍԵՖ): Հատկացված միջոցները կօգտագործվեն հիվանդանոցների և Բեյրութի տուժած բնակիչների տների վերանորոգման, ինչպես նաև քաղաքացիներին սնունդով ապահովման համար:

Հաղորդագրությունում նաև ընդգծվում է, որ «Ճապոնիան ակնկալում է, որ Լիբանանի կառավարությունում շուտով տեղի կունենան բարեփոխումներ վարչական, ֆինանսական և իրավական բարեփոխումներ՝ երկրի կայուն զարգացմանը հասնելու համար: