«Ղարաբաղ Տելեկոմ»-ը կոչ է անում կապից օգտվել ըստ անհրաժեշտության

Ղարաբաղ Տելեկոմը հայտարարություն է տարածել.

«Հարգելի բաժանորդներ,

 Օրերս ՀՀ բջջային օպերատորների հայտարարության տեքստում նշված էր, որ նշանառության տակ է առնվել «Ղարաբաղ Տելեկոմի» ցանցային ենթակառուցվածքը: Մենք հաստատում ենք, որ Ադրբեջանի թիրախավորված գործողության հետևանքով ունեցել ենք բարդություններ: Դրանց մեծ մասն այսօր հաղթահարված է:

Անկախ նշվածից, արտակարգ իրավիճակներում սովորաբար աճում է բջջային ցանցի ծանրաբեռնվածությունը, որի օրինակներ գրանցվել են հաղորդակցության ամենաարդիական համակարգով երկրներում:

Ըստ այդմ, խնդրում ենք բջջային և համացանցային կապից օգտվել միայն ըստ անհրաժեշտության: «Ղարաբաղ Տելեկոմն» անում է ամեն ինչ` դժվարությունները պատվով հաղթահարելու համար::